Здружението на наставници по германски јазик, во соработка со Канцеларијата за врски при Гете-институт од Скопје го организираа натпреварот по пеење на германски јазик Kinderstar 2011. По успешните регионални натпревари, на кои учествуваа околу 150 ученици во рамките на 71 настап, на 3.6.2011 во Скопје се одржа големото финале.
Десетте победници од регионалните натпревари во Битола, Делчево и Скопје на 16 и 17 април 2011 учествуваа на работилница на која, раководени од професионалци, се подготвуваа за предизвикот што ги очекува на големото финале.
