Добредојдовте на веб-страната на ЗДМГПС-Скопје

registracijaДруштвото за македонско-германско пријателство и соработка е невладина и граѓанска организација која со својата работа ја поддржува македонско-германската културна, академска и научна соработка. Друштвото е формирано во 1994 година, а негови членови се голем број на угледни германисти, лекари, професори и стопанственици кои развиваат интензивна соработка со партнерски организации и инстутуции од СР Германија.

Во рамките на својата работа друштвото има активна и постојана соработка со претставништва на германски организации во Р. Македонија, а пред се со Амбасадата на СР Германија и Канцеларијата за врски на Гете-Институтот во Скопје.

 

Печати

12 Фестивал на новиот германски филм

По 12ти пат во Скопје ќе се одржи Фестивалот на новиот германски филм организиран од страна на Амбасадата на СР Германија во Македонија. Освен во Скопје, филмовите ќе бидат прикажани и во Куманово, Прилеп. Битола, Охрид, Велес, Кавадрци, Тетово, Струмица и Штип.

Ова е одлична можност љубителите на европската кинематографија да погледнат 10тина нови германски филмови. Целосната програма на фестивалот може да ја видите тука

Печати

РАБОТИЛНИЦА ЗА ПРЕВОД

ЗДМГПС- Скопје организира работилница за превод на книгата „Седмата страна на коцката“ од академик Влада Урошевиќ од македонски на германски јазик.

Работилницата ќе ја водат лекторката Маријана Ѓорѓиева и преведувачот Бенјамин Лангер и е наменета пред се за студенти од 3 и 4 студиска година од Катедрите за Превод и толкување на германски јазик и книжевност, но и за сите заинтересирани за превод на литература кои имаат добри познавања на германскиот јазик.

МЕСТО: Германска читалница

ВРЕМЕ:12-14 мај од 11:00 до 15:00 часот

РОК ЗА АПЛИЦИРАЊЕ: 1 мај 2016 година

Пријавувањето може да го направите со испраќање на лични податоци (име, презиме, година на раѓање и професија) на e-mail: Оваа е-адреса е заштитена од спамботови. Треба да ви е овозможено JavaScript за да ја видите. или Оваа е-адреса е заштитена од спамботови. Треба да ви е овозможено JavaScript за да ја видите.

Проектот е поддржан од страна на Гете-Институт Канцеларија за врски Скопје

Печати

ГОДИШНО СОБРАНИЕ 2016

Почитувани членови и пријатели на Друштвото за Македонско-Германско Пријателство и Соработка Скопје,

со големо задоволство Ви најавуваме дека ЗДМГПС на 22.03.2016 (вторник) со почеток во 17:30 часот ќе го одржи своето ГОДИШНО СОБРАНИЕ во просториите на Германската читалница при НУБ „Св. Климент Охридски“ во Скопје.

Ги покануваме сите членови на Друштвото, како и сите заинтересирани кои сакаат да ни се придружат и да станат дел од нас да дојдат и присуствуваат на Собранието.

Воедно Ве информираме дека обновувањето на членството за 2016 година ќе можете да го направите со уплата на 300 денари на жиро-сметката на ЗДМГПС бр. 300000002410389 Комерцијална Банка А.Д. Скопје или лично на денот на Собранието.

Се надеваме дека повторно ќе бидеме во голем број.

Пријателски поздрав

Извршен одбор на ЗДМГПС

Број на гледања на артикли
118364

Имаме присутни 90 гости и нема членови