Добредојдовте на веб-страната на ЗДМГПС-Скопје

registracijaДруштвото за македонско-германско пријателство и соработка е невладина и граѓанска организација која со својата работа ја поддржува македонско-германската културна, академска и научна соработка. Друштвото е формирано во 1994 година, а негови членови се голем број на угледни германисти, лекари, професори и стопанственици кои развиваат интензивна соработка со партнерски организации и инстутуции од СР Германија.

Во рамките на својата работа друштвото има активна и постојана соработка со претставништва на германски организации во Р. Македонија, а пред се со Амбасадата на СР Германија и Канцеларијата за врски на Гете-Институтот во Скопје.

 

Печати

Работилница за превод

fffРаботилница за превод на песни во проза од македонски на германски јазик од книгата „Побрзај и почекај“ од Владимир Мартиновски

Друштво за македонско - германско пријателство и соработка-Скопје организира работилница за превод од македонски на германски на книгата „Побрзај и почекај“ од универзитетскиот професор Владимир Мартиновски. Работилницата ќе се одржи од 25-ти до 27-ми април 2013 година во Германската читалница. Работилницата ќе ја води лектор Маријана Ѓорѓиева, и на неа ќе учествуваат студенти од катедрите за Превод и толкување и Германски јазик и книжевност. Проектот е организиран од членовите на здружението Друштво за македонско-германско пријателство и соработка, Александра Спасеновска и Бојана Спировска, и подржан е од Гете- Институт Канцеларија за врски Скопје.

 

Еве дел од песните во проза преведени за време на работилницата...

Печати

Литературно читање и разговор со писателот Бенјамин Штајн

Benjamin-Stein-Die-LeinwandВо петок, 5-ти април 2013 година во 20:00 часот во ГЕМ клубот (Стара чаршија) ќе се одржи литературно читање и разговор со германскиот писател Бенјамин Штајн, кои се воедно и промоција на македонското издание на романот „Платно“. Настанот е организиран од Друштвото за македонско - германско пријателство, издавачката куќа Блесок и преведувачката Елизабета Линднер, а поддржан е од Гете Институтот во Скопје и литературната мрежа ТРАДУКИ.

Бенјамин Штајн е роден 1970 година во Источен Берлин под друго име. Од 1982 година објавува поезија и куса проза. Од 1995 година работи како новинар, кореспондент и советник за информатичка технологија. Од 2006 до 2008 е коиздавач на литературното списание spa_'tien', а од 2008 година сопственик на издавачката куќа Edition Neue Moderne. Редовно пишува на својот литературен веб-блог Turmsegler. Бенјамин Штајн живее и работи во Минхен. До сега ги објавил следните дела: „Азбуката наЈуда Лива“ (роман, 1995), „Поинакво сино“ (проза за седум гласови, роман, 2008), „Платно“ (роман во две приказни, C.H. Beck, 2010) , „Replay“ (роман, C.H. Beck, 2012).

Печати

Денови на македонската музика 2013

hhh

Традиционалната соработка меѓу Друштвото за македонско - германско пријателство и соработка, Гете институтот Скопје и Сојузот на композиторите на Македонија продолжува и оваа година со промоцијата и размената на културните вредности на Германија и Македонија  со интересен проект во рамките на фестивалот „Денови на македонска музика 2013“. 

Пет члена на Минхенскиот камерен оркестар, водачи на оркестарските групи во овој оркестар, од 3-ти до 6-ти април ќе станат дел од Камерниот оркестар на Македонската филхармонија за да исполнат програма од македонски и германски композитори, да разменат искуства со своите македонски колеги, да соработуваат и да учат едни од други како што тоа големите музичари секогаш го прават. 

На концертот што ќе се одржи на 6-ти април (сабота) 2013 година во Музејот на македонската борба за државност и самостојнот, со почеток во 20:00 часот, ќе бидат изведени дела од македонските композитори Фатос Лумани, Панде Шахов, Стојан Стојков и Тома Прошев и германските Николаус Брас (Nikolaus Brass) и Јерг Видман (Joerg Widmann). 
 
Влезот на концертот е слободен.
Број на гледања на артикли
111282

Имаме присутни 636 гости и нема членови