Добредојдовте на веб-страната на ЗДМГПС-Скопје

registracijaДруштвото за македонско-германско пријателство и соработка е невладина и граѓанска организација која со својата работа ја поддржува македонско-германската културна, академска и научна соработка. Друштвото е формирано во 1994 година, а негови членови се голем број на угледни германисти, лекари, професори и стопанственици кои развиваат интензивна соработка со партнерски организации и инстутуции од СР Германија.

Во рамките на својата работа друштвото има активна и постојана соработка со претставништва на германски организации во Р. Македонија, а пред се со Амбасадата на СР Германија и Канцеларијата за врски на Гете-Институтот во Скопје.

 

Печати

Листа на избрани кандидати за курсеви по германски јазик

Ве известуваме дека ЗДМГПС направи избор на 15 свои членови кои ќе добијат можност да ги посетуваат едносеместралните курсеви по германски јазик во Центарот за Странски Јазици во Скопје. На кандидатите ќе им биде овозможено покривање на две третини од висината на курсот.

Исто така направен е избор и на 5 членови кои се најдоа на листата за чекање, а кои ќе добијат можност во случај на откажување на некој од погорерангираните апликанти.

 Листа на избрани кандидати

Печати

КУРСЕВИ ПО ГЕРМАНСКИ ЈАЗИК ЗА ЧЛЕНОВИ НА ДРУШТВОТО

Почитувани членови и пријатели,

ЗДМГПС со задоволство Ви најавува дека ќе стипендира 15 свои членови кои имаат интерес во изучување на германскиот јазик.

Оваа година поддршката на ЗДМГПС изнесува:

Покривање на две третини од сумата за едносеместрален курс по германски јазик во Центарот за Странски Јазици:

Курсевите ќе започнат од септември, а ќе завршат на почетокот на февруари, обемот на курсот ќе биде два пати неделно со блок часови. Стандардната цена е 10.500 денари, од кои ЗДМГПС ќе покрива 7.000, а сумата за кофинансирање од Ваша страна ќе биде 3.500 денари која ќе може да ја платите во Центарот на две месечни рати во текот на семестарот од по 1.750 денари.

За се останато (книги, материјали, термини и сл.) важат правилата на ЦСЈ како за сите останати нивни курсеви.

Услови за аплицирање:

Да сте (или станете) активен член на ЗДМГПС за 2014 година.

Да сте заинтересирани за изучување на германскиот јазик и култура

Сите што сте заинтересирани Ве молиме испратете ни ги следниве податоци:

-Име и презиме
-Датум на раѓање
-Професија
-Степен на познавање на германскиот јазик
-Неколку реченици (околу половина страна) во кои ќе ги наведете накратко причините и мотивите за тоа зошто сакате да го учите германскиот.

најдоцна до 1. Јуни 2014.

Предност ќе имаат кандидатите кои веќе имаат некакви познавања на германскиот јазик

Пријателски поздрав
ЗДМГПС

Печати

Средба на членови - Stammtisch во среда 16.04.2014

Почитувани членови и пријатели,

Задоволство ни е да Ве поканиме на предвелигденска средба на членовите на ЗДМГПС во среда на 16.04.2014

Времето и локацијата ќе останат исти како на нашите Stammtisch средби: локал Плаза дел Торос (кеј на Вардар) со почеток во 20:00 часот.

Со оглед на тоа што претходниот месец немавме можност да организираме Stammtisch, ова ќе биде прилика да се видиме и да продискутираме за активностите на Друштвото, а воедно и да се подружиме.

Се радуваме на Вашето присуство

Пријателски поздрав

Извршен одбор на ЗДМГПС

 

Број на гледања на артикли
84084

Имаме присутни 87 гости и нема членови