Печати

Читање на Инго Шулце

Ingo Schulze liestИнго Шулце е еден од најпознатите и најинтересни модерни автори во Германија. Со неговото литературно документирање на настаните од поновата историја на Германија – особено настани поврзани со падот на Берлинскиот ѕид и повторното обединување на двете Германии – стана еден од најимпресивните литературни сведоци на оваа пресвртница, а со тоа и еден од најпреведуваните автори.

Културната установа „Блесок“, во соработка со Канцеларијата за врски на Гете- Институт во Скопје, а со поддршка од Друштвото за македонско-германско пријателство и соработка и Фондацијата „Роберт Бош“ организираше две книжевни средби со Инго Шулце, по повод објавувањето на две од неговите книги на македонски јазик, „Адам и Евелин“ и “Мобилен”. На 3 јуни 2010 во 21 часот во „Менада” (Стара чаршија) се одржа промоцијата на романот „Адам и Евелин“ и на збирката раскази „Мобилен“. Двете книги се во издание на Блесок, а преведени од германски од Елизабета Линднер. Наредниот ден, на 4 јуни 2010 во 11 часот во Германската читална при НУБ „Климент Охридски“ се одржа средба и разговор со авторот, при што присутните имаа можност да поставуваат прашања. Авторот зборуваше за своите дела, а се читаа и одбрани делови од преведените книги. Публиката имаше и можност книгите да ги купи по промотивна цена, потпишани од токму од Инго Шулце.

Печати

Изложба на фотографии од метрополата Рур од Манфред Фолмер

ffgfОбласта Рур во Германија - некогаш јадро на тешката индустрија и на фабрички оџаци и хали, денеска трансформирана во регион на културата беше во фокусот на изложбата на фотографии „Митот за Рур: Есен во рурската област“, која од 25 -ти ноември до 24 -ти декември 2010 година беше поставена во холот на Националната и универзитетска библиотека „Св. Климент Охридски“ во Скопје. 

Постановката, иницирана од РУР.2010, која во годината на Европскиот град на културата, патуваше во повеќе светски метрополи, а во Скопје дојде во организација на Друштвото за македонско-германско пријателство и соработка во партнерство со Германската читалница при Националната и универзитетска библиотека „Св. Климент Охридски“, со поддршка на Гете-Институт Канцеларија за врски Скопје.

На изложбата беа поставени 22 фотографии од Манфред Фолмер од Есен, како дел од патувачката изложба во рамките на манифестацијата „Рур - престолнина на  европската култура 2010“. Преку нив, македонската публика ја имаше можноста да ја запознае оваа германска метропола, која иако во минатото асоцира на сиво-црн индустриски регион, во кој поради чадот од високите печки многу ретко можело да се види небото, денес ја пронајде својата самодоверба и со гордост го покажува тоа што може да го понуди: 100 концертни сали, 200 музеи, 19 универзитети, 250 фестивали, 1,000 индустриски споменици и 120 театри. Сите овие спектакуларни нови градби одново го изменија нејзинот имиџ. Онаму каде што индустриското минато оставило немилосрдни траги, денес се отвора пат за нови естетски вредности.

На отворањето на оваа изложба присуствуваа околу 100-тина посетители, меѓу кои и многу значајни личности од земјава, како и професори и студенти од Катедрата за германски јазик и книжевност од Филолошкиот Факултет “Блаже Конески”, Скопје.

Печати

Промоција на Германско - македонска книга на културни настани во 2009 година

 

UntitledНа 25-ти ноември 2010 во холот на Националната и универзитетска библиотека „Св. Климент Охридски“ во Скопје се одржа промоцијата на „Германско – македонската книга на културни настани во 2009 година“, која е во издание на здружението Друштвото за македонско – германско пријателство и соработка со поддршка на Гете – Институт Канцеларија за врски во Скопје. Оваа публикација претставува пресек на најзначајните културни настани во Република Македонија на кои уметниците од сите области на културата од СР Германија се презентираат пред македонската публика.

Број на гледања на артикли
84070

Имаме присутни 37 гости и нема членови